➠ ఆదివాసీలు ప్రకృతిలో దేవుని చూస్తారు. వారి భక్తిప్రపత్తుల్లో కూడా ఏ మాత్రం హెచ్చుతగ్గులుండవు. తెలంగాణ రాష్ట్రంలో ఆదివాసీలైన గోండులు జరుపుకునే కేస్లాపూర్ నాగోబా జాతర ఆ కోవకు చెందినది. కళాప్రదర్శనలతో, సంప్రదాయ ఉత్సవాలతో నాగోబా జాతర చూపరులకు కన్నుల పండుగగా ఉంటుంది. 

➠ ప్రాచీన భారతీయ తాత్త్విక చింతనను తోసిరాజని ఒక వినూత్న మానవీయ తత్త్వాన్ని జిడ్డు కృష్ణమూర్తి ఆవిష్కరించాడు. స్వేచ్ఛాచింతనను గౌరవించాడు. ఎప్పుడైతే నీవు ఏదీ కావో అప్పుడే సర్వం నీవౌతావని ప్రబోధించాడు. 

➠ కృష్ణాజిల్లాలోని పెనుగంచిప్రోలును పెదకంచి అంటారు. ఇక్కడ మున్నేరు నది ప్రవహిస్తోంది. లక్ష్మీతిరుపతమ్మ పేరంటాలు ఇక్కడ పూజలందుకుంటోంది. కృష్ణాజిల్లా వాసులకు తిరుపతమ్మ ఆరాధ్యదైవం. మాఘ పౌర్ణమినాడు నిర్వహించే తిరుపతమ్మ కల్యాణోత్సవానికి పెద్దసంఖ్యలో భక్తులు హాజరవుతారు.

➠ తిరువనంత పురంలోని అనంతపద్మనాభ స్వామిని తెలియని వారుండరు. ఆ స్వామివారి సోదరి పేరు అట్టుకల్ భగవతీ దేవి. ఆమె పేరుతో నిర్వహించే అట్టుకల్ పొంగలా ఉత్సవం ప్రపంచ ప్రఖ్యాతిని పొందింది. ప్రతి ఏడాది కుంభమాసంలో అట్టుకల్ భగవతీ అమ్మవారికి పాయసం నివేదించే ఉత్సవంలో మహిళలు పెద్దసంఖ్యలో పాల్గొంటారు.

➠ ద్వైత సిద్ధాంతాన్ని ప్రబోధించిన మహాగురువు మధ్వాచార్యులు. ఉడుపిలోని శ్రీకృష్ణాలయాన్ని నిర్మించారు. దానికి అనుబంధంగా ఎనిమిది మఠాలను ఏర్పాటు చేశారు. మధ్వాచార్యులు అనంతేశ్వరాలయంలో ఐతరేయోపనిషత్తుకు భాష్యం చెబుతూ, పుష్పవృష్టిలో అంతర్ధానమయ్యారు. ఆ రోజే మధ్వ నవమి.

➠ తిరుమలకు తొలిగడప దేవుని కడప. జిల్లాకేంద్రమైన కడప నగరాన్ని కృపావతీ క్షేత్రంగా పురాణాలు అభివర్ణించాయి. ప్రతి సంవత్సరం మాఘమాసంలో ఇక్కడ బ్రహ్మోత్సవాలు జరుగుతాయి. మతసామరస్యానికి ప్రతీకగా జరిగే దేవుని కడప బ్రహ్మోత్సవ, రథోత్సవ విశేషాలు.