ఆగష్టు 2020 ఆన్‌లైన్ ఎడిషన్

 

 

"అగజానన పద్మార్కం గజానన మహర్నిశం

అనేకదం తం భక్తానాం ఏకదంత ముపాస్మహే"

 

ప్రకృతి స్వరూపిణి అయిన పార్వతీదేవి ముఖపద్మాన్ని వికసింప

చేసేసూర్యునివి నీవే. అసంఖ్యాక భక్తకోటి చేత పూజలందుకునే

ఓయి గజాననా! నిన్ను అహర్నిశలూ పూజిస్తాను అని ఈ

ప్రార్థనాశ్లోకానికి భావం. గణపతి ప్రకృతి ప్రియుడు. ఆయన

పూజా సంవిధానంలోనూ పర్యావరణ హితం, ప్రకృతి పరిరక్షణ

కలగలసి ఉంటాయి. పర్యావరణాన్ని మనం కలిసికట్టుగా

పరిరక్షించుకుంటేనే, విపత్తుల నుంచి తేలికగా బయటపడగలం.

ఇప్పటి కాలానికి సంబంధించినంత వరకూ తోటిమానవులకు

మనం చేయగల మహోపకారం పర్యావరణాన్ని కాపాడడం ఒక్కటే.

మంచి పని చేయాలని, సమాజానికి మేలు చేయాలని

సంకల్పించడమే దైవత్వం. ఆ సంకల్పానికి చిత్తశుద్ధి తోడైతే దైవం

కూడా సహకరిస్తాడు. ముందుండి మనల్ని నడిపిస్తాడు. అప్పుడు

ఎంతటి బరువైన పని అయినా తేలిగ్గా పూర్తవుతుంది. అందుకే

సత్సంకల్పానికి మించిన పూజ లేదు అని పెద్దలు చెబుతారు.

 

ఈ వినాయక చవితికి (ఆగస్టు 22) మునుపటివలె భారీపూజా

కార్యక్రమాలను నిర్వహించుకునే అవకాశం లభించకపోవచ్చు. అందుకు చింతించాల్సిన పనిలేదు. ఈ భూమిని రక్షించుకోవాలనే

సత్సంకల్పమే భగవంతునికి మనం చేయగలిగిన పెద్దపూజ. భౌతికదూరాన్ని పాటిస్తూ మనమందరం ఇళ్లలోనే వినాయక చవితిని

ఘనంగా నిర్వహించుకుందాం. అందుకు ఉపయోగపడేవిధంగా వినాయక పూజావిధానాన్ని లోపలిపేజీల్లో భక్తిపత్రిక అందిస్తోంది.

వినాయకచవితి కంటే ముందుగా ఈ నెలలో రాఖీపండుగ (ఆగస్టు 3) వస్తోంది. అన్నాచెల్లెళ్ల అనురాగానికి చిహ్నంగా నిలిచే

రాఖీపండుగ సందర్భంగా మీ కుటుంబ సభ్యులందరికీ ఆరోగ్యం, సంక్షేమం కలగాలని కోరుకుంటున్నాం. కలి కల్మషాలునశించి,

మానవాళికి హితం చేకూర్చమని శ్రీకృష్ణజన్మాష్టమి (ఆగస్టు 11) వేళ ఆ జగద్గురువును ప్రార్థిద్దాం. సర్వేజనాఃసుఖినోభవంతు.

 

ఆగష్టు 2020 భక్తి పత్రిక గురించి మరింత తెలుసుకొనుటకు ఇక్కడ క్లిక్ చేయండి....

oil
santoor

Other Magazines