భక్తి పత్రిక మే 2017

Availability : In Stock

నమో వాయుపుత్రాయ భీమరూపాయ ధీమతే
నమస్తే రామదూతాయ కామరూపాయ శ్రీమతే
శ్రీరామదూతగా ఘనకీర్తి పొందిన కార్యశూరుడు... రామబంటు అయినా ఆ రామునికి దీటుగా పూజలు అందుకుంటున్న సర్వసద్గుణవంతుడు శ్రీహనుమాన్... భక్తులు ఆనందోత్సహాలతో... భక్తిప్రపత్తులతో జరుపుకునే హనుమజ్జయంతి మే 21వ తేదీన రానుంది. మర్యాద, మాటతీరు ఎరిగిన అతులిత బలశాలి గురించి ఈ సంచికలో వేర్వేరు కోణాల్లో దర్శింపజేశాం... మే6న అన్నవరం సత్యదేవుని కల్యాణ శుభముహూర్తం ఉన్నది... కోరిన వరాలిచ్చే శ్రీసత్యనారాయణస్వామిని ప్రతివరూ స్మరించుకుంటారు... ఇంట్లో ఏ శుభకార్యం ఉన్నా... లేకున్నా... ఆ సత్యదేవుని వ్రతం ఆచరిస్తూ ఆయన కృపకు పాత్రులవుతారు. ఆ దేవుడి కల్యాణవేళ... మే సంచికతో పాటు సత్యనారాయణస్వామి వ్రతవిధానాన్ని చిరుపుస్తకంగా ఉచితంగా అందుకోండి.

ఈ వైశాఖం మహానీయుల జన్మోత్సవ పర్వంగా, నిత్యోత్సవమై భాసిల్లనుంది... మే 1న శ్రీమద్రామానుజుల జయంతి సందర్భంగా వెయ్యేళ్లనాడు అసమానతలపై సమరశంఖం పూరించిన సమతాయోగికి అంజలి ఘటిస్తున్నాం. తన జీవితాన్ని రామభక్తికి ధారపోసిన త్యాగరాజు జయంతి కూడా మే1నే కలిసివచ్చింది. మే 5న సీతాజయంతి, వాసవి కన్యక జయంతి, మే 9న నృసింహ జయంతి, తరిగొండ వెంగబాంబ జయంతి, మే 11న నారద జయంతి, అన్నమయ్య జయంతి, మే 11న జిడ్డు కృష్ణమూర్తి జయంతి, మే 13న ఆధునిక గురుబ్రహ్మలు శ్రీశ్రీ రవిశంకర్, మే 26న శ్రీగణపతి సచ్చిదానందల జన్మదినోత్సవాలు వైశాఖానికి దివ్యత్వం ఆపాదిస్తున్నాయి. మే 10న ప్రపంచమంతా జరుపుకునే బుద్ధ పూర్ణిమ వేళ అందరికీ శుభాకాంక్షలు తెలియజేస్తున్నాం.
₨ 51.00
Not Rated Yet