భక్తి పత్రిక ఆగష్టు 2017

Availability : In Stock

ముత్తయిదువలు భక్తిప్రపత్తులతో అమ్మవారినే కొలిచే శ్రావణ శుక్రవారం ఆగస్టు 4వ తేదీన రానుంది... ఆ వరాలతల్లి కోరిన శుభాలన్నింటినీ అందించాలని కోరుకుందాం... ఈ సంచిక శ్రావణ భాద్రపదాలకు సేతువై, వ్రతాలకు, పండుగలకు నెలవై రూపొందింది. శ్రావణ పూర్ణిమ సందర్భంగా ఆగస్టు 7న రక్షాబంధన్ వస్తుంది... అక్కా తమ్ముళ్లు, అన్నా చెల్లెళ్లతో ఆత్మీయంగా రక్షాబంధనాన్ని జరుపుకుందాం... ఆగస్టు 15న కృష్ణాష్టమి రానుంది... ఉట్టికొట్టి సరదాగా సంబరాల్లో పాల్గొందాం.

ఆగస్టు 25న ప్రారంభమై పదిరోజుల పాటు విఘ్నరాజ వినాయక వ్రతం సందడిగా సాగనుంది.... ఆది దేవుడైన విఘ్నేశ్వరుడు అందిరికీ పూజ్యుడు... చదువులిచ్చే బొజ్జ గణపయ్య పిల్లలకు పరమ ఆప్తుడు... వినాయక చవితి సందర్భంగా విఘ్నేశ్వరుడికి ఇష్టమైన పత్రి, పూలను సేకరించి స్వామిని పూజించుకుంటారు. ఇక కృత్రిమ రంగుల హంగులతో ప్రకృతికి, పరిసరాలకు ముప్పుతెచ్చే వినాయకు విగ్రహాలకు స్వస్తి పలికి... నలుగుపిండితో ఉద్భవించిన గణపయ్యను మామూలు మట్టితో మలచుకుందాం... పర్యావరణ పరిరక్షణకు కృషి చేద్దాం...
₨ 51.00
Not Rated Yet