భక్తి పత్రిక నవంబర్ 2017

Availability : In Stock

మహాదేవుని దయ, మహనీయుల దివ్యాశీస్సుల బలంతో మేం సంకల్పించిన నాటి నుంచి కోటి దీపోత్సవం విజయవంతంగా సాగుతోంది... అశేష భక్తజనం మా సంకల్పాన్ని సమాదరిస్తూ సహకరిస్తూ ఉత్సవానికి వెలుగులద్దుతున్నారు. అందరికీ వినమ్ర ప్రమాణాలు చేస్తున్నాం... దీపోత్సవంలో చోటు చేసుకుంటున్న పీఠాధిపతుల, మఠాధిపతుల అనుగ్రహ భాషణాలు, పెద్దల ప్రవచనాలు, మహనీయుల మంగళాశాసనాలతో పాటు భక్తిపరమైన సాంస్కృతిక కార్యక్రమాలతో వెన్నెలకు పరిమళం అబ్బుతోంది.

అక్టోబర్ 22వ తేదీ నుంచి నవంబర్ 5వ తేదీ వరకు హైదరాబాద్‌లోని ఎన్టీఆర్ స్టేడియంలోనే కాకుండా... కొనసాగింపుగా విజయవాడలోని పీడబ్ల్యూడీ గ్రౌండ్స్‌లో నవంబర్ 6వ తేదీ నుంచి 13వ తేదీ వరకూ కోటిదీపోత్సవం జరుగుతుంది. ఇది మా రచనా టెలివిజన్ చేసుకున్న సుకృతంగా భావిస్తున్నాం... ఉభయ తెలుగు రాష్ట్రాల భక్తజనం మీకు అనువైన చోటికి విచ్చేసి ఈ దీపయజ్ఞాన్ని జయప్రదం చేయాలని ప్రార్థిస్తున్నాం.

సమతను, మమతను పెంచే కార్తిక వన సమారాధనలు... ఊరూవాడా జరుగుతాయి... అన్ని భేదాలను విస్మరించి సహపంక్తి భోజనాలకు తెరతీసే మాసం ఇది... ఇటీవల కాలంలో కులాలవారీ, తెగలవారీ, శాఖల వారీ వనభోజనాలకు నాంది పలికారు... ఇలాంటి విందులకు స్వస్తి పలుకుదాం... కార్తిక మాస లక్ష్యాన్ని చాటి చెబుదాం. కార్తికంలో అయ్యప్ప దీక్షలు స్వీకరించి భక్తులు మాలలు ధరిస్తారు... స్వామియే శరణమయ్యప్ప అనే శరణుఘోష శమరిమల దాకా చేరుతుంది... అయ్యప్ప స్వాముల దీక్షలు షపలం కావాలని ఆక్షాంక్షిస్తున్నాం...
₨ 51.00
Not Rated Yet