భక్తి పత్రిక ఆగష్టు 2018

Availability : In Stock

పవిత్ర శ్రావణమాసం ఈ నెల 13వ తేదీన రానుంది. ప్రతి ఇంట్లో ఆడపడుచులు వరలక్ష్మీదేవిని భక్తి శ్రద్ధలతో కొలిచేమాసమిది. శ్రావణమాసం పల్లెలు, బస్తీలు అనే విచక్షణ లేకుండా పసుపు కుంకుమలతో పేరంటాలతో కళకళలాడుతుంది. భక్తి ప్రపత్తులు తాండవిస్తాయి. 26వ తేదీన శ్రావణ పూర్ణిమ- రక్షా బంధన్ దినోత్సవం. జాతి మొత్తం జరుపుకొనే జాతీయ పండుగ ఇది. తోబుట్టువులే కాదు, ఇష్టులు, అభిమానులు వాత్సల్య పూర్వకంగా చేతులకు రక్షలు కడతారు. అన్ని వేళలా అండగా ఉంటారనే హార్ధిక ప్రతినే రక్షాబంధనం. శృంగేరి పీఠ ఉత్తరాధికారి శ్రీ విధుశేఖర భారతి స్వామివారి జన్మదినోత్సవ మంగళవేళ (15న) వారి దివ్యాశీస్సులు అర్ధిద్దాం.

అలాగే గోదాదేవి, స్వామి చిన్మయానంద పుణ్య తిథి 13న వస్తున్నాయి. మహాయోగి, స్వాతంత్ర్య సమర యోధుడు, విశ్వమానవుడు అయిన అరవిందుని జయంతి ఆగస్ట్ 15. సావిత్రి మహాకావ్య నిర్మాత అరవిందుని జయంతి సందర్భంగా వారి దివ్య వచనాలను ఈ సంచిక ద్వారా తెలుసుకొని తరిద్దాం. శ్రావణమాసం వచ్చేసింది. లక్ష్మీపూజ చేసుకొనేందుకు రకరకాల మార్గాలను తలోరకంగా చెబుతున్నారు. ముఖ్యంగా లక్ష్మీపూజ శ్రావణమాసంలోనే కాకుండా ఏడాది పొడవునా చేసుకోవచ్చు. డా. టి.కె.వి. రాఘవన్ రచించిన 'వరాలిచ్చే వరలక్ష్మి' వ్యాసంలోని వివరణ చూద్దాం. లక్ష్మీ స్వరూపాలను వర్ణించి చెబుతుంది శ్రీసూక్తం. సంపదలను ధర్మబద్ధంగా పొందే విధానాలను నిర్దేశించింది. లక్ష్మీ అనుగ్రహం పొందిన వ్యక్తికి సామాజిక బాధ్యతలను వివరించింది. కేవలం లక్ష్మీదేవిని మాత్రమే కాకుండా ఏ అమ్మవారినైనా శ్రీసూక్త విధానంతో పూజించవచ్చు. శ్రీసూక్తాన్ని పారాయణం చేయడం, వినడం వల్ల సకల సంపదలు లభిస్తాయి. డా. పాలపర్తి శ్యామలానంద ప్రసాద్ రాసిన శ్రీ సూక్త వైభవం వివరణ చూద్దాం.
₨ 51.00
Not Rated Yet