➠ శ్రీరాముడు మర్యాదా పురుషోత్తముడు. ఆయన లోకరక్షకుడై... నాలుగు చేతులతో శంఖు చక్రాలను, బాణకోదండాలను దాల్చి... సీతాలక్ష్మణ సమేతుడై స్వయంభువుగా వెలిసిన దివ్యక్షేత్రం భద్రాచలం. తెలుగువారి అయోధ్యాపురి భద్రగిరి. వేదాలలో కనిపించే 'భద్ర' బీజాక్షరాలకు సాకారమైన క్షేత్రం. ప్రతి శ్రీరామనవమి నాడు అక్కడ జరిగే సీతారామ కల్యాణోత్సవం తెలుగువారందరికీ ప్రీతిపాత్రం.

➠ ఒంటిమిట్ట కోదండరామయ్య కల్యాణాన్ని అధికారికంగా ఆంధ్రప్రదేశ్ ప్రభుత్వం ప్రతిష్టాత్మకంగా నిర్వహిస్తోంది. శ్రీరామనవమికి ఇక్కడ బ్రహ్మోత్సవాలు ప్రారంభమవుతాయి. చైత్ర పౌర్ణమికి ముందు రాత్రి పండువెన్నెల్లో కల్యాణం నిర్వహిస్తారు. ఒంటిమిట్ట కోదండరామయ్య వైభవం, కల్యాణాన్ని వీక్షించడం భక్తుల పూర్వజన్మ సుకృతమే.

➠ మనోవేగ వాయువేగములవంటి వేగముగలవాడు, ఇంద్రియములను జయించినవాడు, బుద్ధిమంతులలో శ్రేష్ఠుడు, వానరజాతిలో ముఖ్యుడు, శ్రీరామదూత హనుమత్ విజయోత్సవం సందర్భంగా దేశవ్యాప్తంగా హనుమాన్ ఆలయాలన్నీ భక్తులతో కిటకిటలాడుతుంటాయి.

➠ త్రికరణ శుద్ధిగా చేసే ఏ చిన్న పనైనా సరే... అది భగవంతుడి అనుగ్రహాన్ని పొందుతుందని చెప్పటానికి ప్రతీకగా నిలిచే పండుగ అక్షయ తృతీయ. వైశాఖ శుద్ధ తృతీయకు అక్షయ తృతీయ అని పేరు. ఈ రోజున చేసే పుణ్యం రవ్వంతైనా సరే అది కొండంత ఫలితాన్నిస్తుందని పురాణాలు చెబుతున్నాయి. అందుకనే అక్షయ తృతీయ అంతులేని ఆదరణ పొందింది.

➠ చందనోత్సవం, చందన యాత్ర పేర్లు వింటేనే అప్పన్న భక్తులకు అణువణువూ పులకరిస్తుంది. యుగయుగాలుగా దేవుడున్నాడని నిరూపించే దివ్య మనోహర పుణ్యక్షేత్రం సింహాచలం. ఆ స్వామి చల్లగా ఉంటేనే లోకాలన్నీ అంతకంటే చల్లగా వర్ధిల్లుతాయి. అందుకే ఏటేటా చందనోత్సవం. అందుకే ఆ స్వామి కోసం, ఆ చందన ప్రసాదం కోసం లక్షలాది భక్తులు బారులు తీరి వేచి ఉంటారు.

➠ భగవాన్ సత్యసాయిది ప్రేమావతారం. ఆత్మతత్త్వాన్ని తెలుసుకున్న మానవుడు కర్మమార్గాన్ని అనుసరిస్తాడని, అపకారికి సైతం ఉపకారిగా మారతాడన్నారు. ప్రయత్నపూర్వకంగా సందేహాలను తొలగించుకుని కోరికల ఆవరణను దాటగలిగితే మానవుడు చూస్తున్నదంతా భగవత్ తత్త్వమే అని అర్ధం చేసుకోగలడన్నారు. భగవత్ భావం చేత సర్వమూ సాధించవచ్చనేదే శ్రీసత్యసాయి సందేశం.