➠ ఫాల్గుణమాసం శుద్ధ విదియ మంత్రాలయ రాఘవేంద్రస్వామి సన్యాసాశ్రమం స్వీకరించిన రోజు. సప్తమి తిథి వారి జయంతి. 1595 మన్మథ నామ సంవత్సరం ఫాల్గుణ శుద్ధ సప్తమి, గురువారం నాడు స్వామి ఉదయించారు. ఈ రెండు సందర్భాల నేపధ్యంలో ఏటా మంత్రాలయంలో గురువైభవోత్సవాలను ఘనంగా నిర్వహిస్తారు. ఈ సంవత్సరం మార్చి 9న గురు రాఘవేంద్రస్వామి జయంతి తిథి వస్తోంది.

➠ భారతీయ సంస్కృతి ఒక రంగుల హరివిల్లు. కాలానికి అనుగుణంగా మనలో ఆనందాలు నింపే పండుగలతో శోభిస్తుంది. వసంత రుతువు ప్రారంభంలో వచ్చేహోళీ అయితే చెప్పనే అక్కరలేదు. వయోభేదాలు మరిచి అందరూ వసంతాలాడి మైమరిచే రంగుల పండుగ హోళీ. ఆనందహేల అయిన హోళీ వెనుక సంప్రదాయ విశేషాలెన్నో ఉన్నాయి.

➠ తెలంగాణ తిరుపతిగా పేరుగాంచిన యాదాద్రి నూతన ఆలయ నిర్మాణం పూర్తయింది. తెలంగాణ ముఖ్యమంత్రి కె. చంద్రశేఖరరావు సారధ్యంలో.... మార్చి 28న ఆలయానికి మహాకుంభ సంప్రోక్షణం నిర్వహిస్తారు. ఆరేళ్లుగా కేవలం బాలాలయంలో మాత్రమే దర్శనమిస్తున్న స్వామిని... ఈ మహాకుంభ సంప్రోక్షణ తరువాత ప్రధానాలయంలోనే దర్శించుకునే అవకాశం కలగనుంది. అలాగే ఫాల్గుణమాసం సందర్భంగా మార్చి 4 నుంచి 14 వరకూ వార్షిక బ్రహ్మోత్సవాలు కూడా యాదాద్రిలో జరగనున్నాయి. మార్చి 11న లక్ష్మీనృసింహ కల్యాణోత్సవం ఉంటుంది.

➠ పంచభూతలింగ క్షేత్రాలలో ఒకటైన వాయులింగేశ్వరుడు కొలువుదీరిన సద్యోముక్తి క్షేత్రం శ్రీకాళహస్తి. మహాశివరాత్రి సందర్భంగా శ్రీకాళహస్తిలో బ్రహ్మోత్సవాలు ఘనంగా నిర్వహిస్తారు.

➠ శివరాత్రి అంటే జాగారం. శివరాత్రి అంటే ఉపవాసం. ఆరోజు అభిషేకాలలో మహాశివుడు నానుతూ ఉంటాడు. మారేడు దళాలలో మునిగి ఉంటాడు. విబూది రేఖలలో వెలిగిపోతూ ఉంటాడు. అసలే బోళాశంకరుడు, ఆపైన శివరాత్రి. ఈ పర్వదినాన నిష్ఠనియమాలతో ప్రసన్నం చేసుకుంటే మహాశివుడు వరాలు కురిపిస్తాడు.

➠ వేములవాడ రాజరాజేశ్వర స్వామిని తెలంగాణ ప్రజలు రాజన్నగా పిలుచుకుంటారు. మహాశివరాత్రికి ఆయనకు కోడెమొక్కులు చెల్లించి సంతాన భాగ్యాలు పొందుతారు. మార్చి 21న వేములవాడ రాజన్న స్వామికి, రాజరాజేశ్వరికి కల్యాణం నిర్వహిస్తారు.