➠ దీపావళి అంటే దీపాల వరస అని అర్థం. చీకటిని పారదోలి వెలుగునిచ్చే ఆయుధం దీపమే. దీపావళిని కొన్ని ప్రాంతాల్లో దివ్వెల పండగ అని, మరికొన్ని ప్రాంతాల్లో దివిటీల పండగ అని పిలుస్తారు. దీపాలు వెలిగించి, టపాసులు కాల్చి ఆనందంగా జరుపుకునే జాతీయ పండుగల్లో దీపావళికి ప్రత్యేకస్థానం ఉంది.

➠ బాబా సాధారణ యోగిపుంగవుడు కాడు. యోగులకే యోగి. ఆయన అవతారం కలియుగ నియమాలను భక్తులకు అనువుగా మార్చేందుకే వచ్చింది. భక్తి, యోగ మార్గాలను సులభతరం చేసేందుకే వచ్చింది. ఇదే విషయాన్ని భారతీయ యోగులందరో పలుమార్లు నిరూపించారు. 1918 అక్టోబర్ 15న సరిగ్గా విజయదశమినాడే ఆయన సమాధి పొందారు.

➠ దసరా రోజుల్లో తిరుమలలో బ్రహ్మోత్సవాలు జరుగుతాయి. బ్రహ్మోత్సవం అంటే అతిపెద్ద ఉత్సవం. పూర్వం బ్రహ్మ ప్రారంభించిన ఉత్సవాలని ఆగమ పండితులు చెబుతుంటారు. ధ్వజారోహణం జరిగినప్పటి నుంచి ప్రతిరోజూ ఉదయం, సాయంత్రం వేళల్లో వాహన సేవలుంటాయి. 12వ తేదీన విజయదశమినాడు చక్రస్నానంతో తిరుమల బ్రహ్మోత్సవాలు సంపూర్ణమవుతాయి.

➠ బతుకమ్మ జీవన వైవిధ్యానికి ప్రతీక. బతుకు పోరాటానికి సంకేతం. ఆటపాటల పల్లకి. శ్రమైక జీవన సౌందర్యం. పంటలు సమృద్ధిగా పండాలని లోకం సుభిక్షంగా ఉండాలని బతుకమ్మ చుట్టూ ఆడుతూ పాడుతూ సందడి చేస్తారు. అందరూ క్షేమంగా ఆనందంగా ఉండాలి. బతుకు - బతకనివ్వు అనే సందేశాన్ని తెలియచేసేదే బతుకమ్మ పండుగ.

➠ లోకాలనేలే చల్లని తల్లి కనకదుర్గమ్మ. దసరా పండుగ నేపధ్యంలో కనకదుర్గమ్మను దర్శించడానికి అన్ని ప్రాంతాలనుంచి భక్తులు వెల్లువెత్తుతారు. ఎన్నో పురాణ, ఇతిహాస విశేషాలు, స్థానిక ఆచారాలు, సంప్రదాయాలకు నిలయమైన బెజవాడ కనకదుర్గమ్మ వైభవాన్ని కనులారా దర్శించి తరిస్తారు.

➠ దసరాల్లో మూలనక్షత్రంనాడు సరస్వతీ పూజ చేస్తారు. మహిషాసుర వధలో భాగంగా అతడి సైన్యంలోని శుంభుడనే రాక్షసుణ్ణి మహాసరస్వతి మట్టుబెట్టింది. వేదకాలం నుంచి సరస్వతీ ఆరాధన భారతదేశంలో విస్తృతంగా కనిపిస్తుంది. కోరి పూజించేవారికి సరస్వతి చదువులే కాదు, సమస్తమూ ఇస్తుంది.